2014年9月18日 星期四

準媽媽印記之3個月了

竟想不到,我要做媽媽了!雖然已經結左婚3年, 但並沒有計劃這麼快要有小朋友! 比原本計劃來得早了3年呢!最開心果個 就緊係老爺奶奶啦! 我知道佢地老人家其實已盼望已久。不過, 一直覺得自己係事業上好似未有咩成就時, 便沒有計劃那麼多。其實沒有計劃才是最好的, 家中幸福既笑聲多了! 今次真的是天父賜給我們的禮物! 現在已經3個多月了, 朋友說我肚子比平時的3個多月肚子,好像大了一點! 不過, 朋友說是好現象【長胎】呢!由於我一向經期既時間並不準確, 所以我到懷孕7個星期才發現, 其實都不可以說是發現, 是我以為自己便秘(feeling shy), 肚好痛先去睇醫生!醫生一問我經期時, 便有懷疑及要我做小便測試。當醫生同我講我有左既時候, 我真係非常驚訝, 沒有預計過這麼快! 我不知所措咁企係條街度就喊左出黎...其實我是很喜歡小朋友的, 但我真的不知為何我會哭的...係我未知自己懷孕既時候, 我早幾星期已經感覺到身體非常非常容易累, 諗野仲好負面添, 心諗自己攪咩呀! 原來係有左!!! 肚作怪! HAHA!懷孕5至12週: 我成日要訓覺, 明明平時係運動健將, 但而家行多步就已經唔得, 身體好累好累好累。去到陽光普照既地方仲會易暈! 食咩都冇胃口, 食得比平時少好多, 平時每日都會飲奶的, 但而家飲奶會想嘔。有時, 仲會感覺到肚會痛, 不過, 問過醫生, 這一切都是正常的, 身體突然有這巨大變化, 是會感覺到好唔舒服的。而且, 因為當時未到3個月大, 老人家千叮萬囑不可以告訴別人, 否則, 容易小產...所以果2個月, 我既朋友百思不得其解, 我會如此懶惰同冇精力。不能告訴的秘密真的忍得我好辛苦呢! 而家終於可以公佈, 實在是太開心啦! 日子愈耐, 愈想見到bb, 而家逐步戒口了, 不過, 唯獨辣野我仲未戒得好晰底。但為bb, 什麼事都應該要努力! 希望其他與我一樣懷孕3個月多的媽媽們, 我們一起努力支持一下吧!因為幸福既家庭生活即將來臨!