BB 19week之烏溪沙大肚攝影

距離卵巢瘤手術的日子仲有數天，陳先生今次帶我去烏溪沙的沙灘留影。呢個沙灘比較少D人黎，空間闊落D，方便影相。不過，早前的「海之心」「心型石灘」已經不在了。我地只係係沙灘邊留影，近黃昏時份來的，怕曬到呢...因為之前試過陽光普照的天氣下出街，結果，我中暑暈到了...之後，看書才知道孕婦是比較容易暈到的，所以，我再不敢係大熱天之下出街了。今次，我地只係用電話影，都算OK了!

BB 18 weeks + 懷孕卵巢瘤 + 佐敦谷大肚攝影

上週，我地到醫院做檢查時，發現我左邊卵巢生了一個7.7cm x 5cm既瘤, 係水瘤內存有一個不知明的瘤，醫生話因為我已經18weeks了，同埋粒瘤太大，要立即切除，否則，瘤一但破了或鈕轉，便會感到劇痛，並且要立即入院做手術，大部份破了的瘤都很少機會會保留到那邊卵巢。

 於懷孕期間發現水瘤，若5cm以下，可靜觀其變，不需立即治療，並且有機會會自行消失，若超過5cm以上，醫生會建議盡快切除，如果水瘤內有陰影，要切除出黎先知係良性定惡性，係畸胎瘤還是其他瘤…

 我是選擇了於廣華生肓的，所以這個手術原本都應該係廣華做。廣華既婦產科醫生都安排左我立即入院等候做手術，到我入院第一天的下午，醫生竟然話急症那邊尚未有位置，要求我先回家等候他們的通知。但明明醫生話我BB同瘤都已經很大了，手術是有風險的，醫生只有很少位置做手術。要立即做，但冇辦法，急症實在太多病人了。我亦等不到他們的日子，所以決定出私家做，我今天約期，他們下星期便安排到我做手術了!

 是次手術由於BB同瘤都長得很大，所以，只有係肚中間直切打開肚皮做手術。沒有辦法了，不做的話，BB好有機會會小產的。為了留下沒有疤痕的肚皮，陳先生與我先去拍了大肚特輯。

拍攝地點: 佐敦谷公園大草地 (觀塘新清水灣道71號)
P.S. 公園只設42個收費泊車位 (會好快冇位的)