【** Crafting2gether ** 】: 5月 2013

2013年5月29日星期三

上星期五，我既囡子們幫我預祝生日，去左銅鑼灣Inn Side Out飲飲食食。呢個酒吧出曬名係可以周地拋花生，最岩我某位朋友。哈哈!^0^ 相信男仕們應該都好鐘意! 雖然佢地主打係飲酒，但D野食都係好好味嫁~~~

食物:蝦沙律(好味!)、三文魚pizza(份量好多，應該要4個人先食得曬)、芝士薯條(一試再試的!芝士超多!)、同水牛城雞翼(呢個就一般啦.....我地叫左辣味，個味道係tabasco，食到個嘴梅梅地)!

飲品:
Sangria(ok,不過好脹肚), Apple Cider(不是我口味), Hoegarden(例牌)

地址 : 銅鑼灣新寧道10號新寧中心地下

電話 : 2895 2900消費 : 約$250

上星期六，同陳先生做左1日小朋友，去左【香港文化博物館】，我地2個從來都未黎過。其實拍拖仔黎呢度都幾SWEET嫁，可以一齊玩下小朋友既野，打鼓、睇畫、影相，消磨下時間都幾好!今次主題如下:

藝想天開︰啟迪潛能之旅

2013年5月12日 - 2013年9月23日

這個展覽的概念是建基於美國心理學家霍華德‧加納對兒童多元智能發展的理論。我們希望透過互動性的作品，邀請小朋友及觀眾去接觸展品，並與藝術家共同創作，為他們帶來不一樣的博物館體驗。

開放時間

星期一、星期三至五	: 上午 10 時至下午 6 時
星期六、日及公眾假期	: 上午 10 時至下午 7 時
聖誕節前夕及農曆新年前夕	: 上午 10 時至下午 5 時

逢星期二(公眾假期除外)、農曆新年初一、初二休館

地址:香港新界沙田文林路一號。
門票: 10元；家庭及優惠通行證每張港幣5元。
車公廟站﹝A出口﹞，再行約5分鐘；或至沙田站﹝A出口﹞，再行10分鐘，便可抵達。

2013年5月22日星期三

是日好友幫我預祝24歲大壽，預先2天才BOOK左呢間隱世既【龍泉私房菜】! 記得要預早book先有位嫁，同埋book果陣要揀好食咩，如果要加餸都要係book果時講埋，因為琴日我地去到想加餸都冇得加，最重要係你要肯定人數先好book，琴日我地原本有8個人，但因某人要加班，趕唔到黎，我地到步先cancel已經too late，佢照要收多份$，佢話因為D海鮮訂左8人份量，所以要俾返$，佢表明D海鮮是不留第2日的! 聽上黎感覺不太高興，但都體諒的.........今次我地叫左鮑參翅肚海鮮餐$258(4位起)，每枱送一支紅酒及每人一罐汽水，只收現金免加一 !

今次既豪門夜宴實在係太精彩啦! 完全滿足到我地既味蕾，抵食得黎，又好味，海鮮全部大大件，樣樣都好足料! 不過我好期待既飄香炒飯就有點兒失望，同平時既炒飯寅係冇分別，甜品(芒果布甸)亦唔好食，第一次食似大菜糕咁爽既布甸。不過總括，以呢個價錢黎計，質量算好好! 唯一可惜既係環境不太舒適........是日最佳之選: 三色蝦、金山扒翅

餐牌圖片如下:

花雕蛋白蒸海蟹D水蛋既酒味太勁啦，有點兒難入口......

龍泉私房菜

地址 : 尖沙咀彌敦道83-97號華源大廈15樓B4室及16樓B1室 (係尖沙咀MTR---A出口，右邊見金舖沿路直行第2入口)

電話 : 6083 1933

2013年5月19日星期日

我家CHA CHA一向都唔係咁鐘意游水，但為左佢可以做運動，又唔會太熱既關係，最好就緊係游水啦!今次買左件救生衣俾CHA CHA!佢落水就冇咁驚驚，游得耐左，之前唔敢自己游水<---成個BB仔咁，而家有左救生衣，我同陳先生就可以望住佢開開心心咁游，唔使俾CHA CHA抓到成身傷曬!!!

洗完白白，D毛毛竟然可鬆到如此境界!!!

今次再重臨Bulldog's Bar & Grill，記得約2年多前係度同舊同事宣報我要結婚既喜訊!今天以成人妻既我不但放工後冇安守婦道留在家中住飯仔，仲同女友人們在此大飲一番!講下男人，又講下女人，實在是一大樂事!

今次坐樓上，雖然冇樓下Live band咁有氣氛，但坐樓上傾傾心事是比較適合的!呢次叫左食物有(Fish & Crips + Bulldog Seafood Pizza)，酒有(House wine +Strongbow<---我至愛)，Fish & Crips 已經冇舊時咁好食....薯條好軟林林......不過個海鮮Pizza就好正，D芝士超多，仲可以扯到好長先分開嫁!!!超推介!!!

Bulldog's Bar & Grill

地址 :

尖沙咀麼地道66號尖沙咀中心G5及UG15號舖

電話 : 2311 6993

消費: 約$250/每人

係18.05.13呢個攝氏高達32度，而且香港係熱得黎冇風既情況之下，我成功說服我家陳先生、我3位友人陪我去一個未去過既單車行!雖然網上都有好多人寫日誌教路，但因為係我提議去踏，所以友人們就大安旨意等我带路!我呢個路痴亦以為沿路會有好多指示，結果令原本只需2個多小時既行程，最後用左4個小時才完成。沿路我地真係上山下海! 為什麼要上山呢?因為行錯左去梅窩既路，踏左20分鐘先覺得唔對路......踏返轉頭......就算我地開google map都唔知點行......開始時係由(大嶼山單車舖)起程，沿住大馬路踏出去，會經過映灣園，踏踏下就會見到油站，我誓估唔到原本油站旁邊有條只緊剩放得下單車既窄巷係通出去欣澳的.......之後，我地就係咁行錯路，完全唔知道身在何方.....只記得會下水渠道，踏時光隧道，條隧道會愈行愈矮......之後就要抬返單車上大路，撇除我地踏錯路，再踏下踏下就應該會遇上另一條時光隧道，之後，就要踏大馬路，我覺得我們好似玩緊(三項鐵人)咁!!!到大馬路，遇到一位外籍單車高手，向我地伸出緩手，臨走時仲用古惑既眼神同我地講(ENJOY!)，竟然香港人身在香港要問外國人路，真係笑死人啦......終於我地冒住俾大貨車撞死既危機，好似打機咁同車輛賽車一番之後，我地終於到啦!!!!!!!!!!!

寶礦力水特廣告

2013年5月18日星期六

閃閃藍色背景 + 層疊既心心圖案，再配上鑽石，送給高貴既女士實在適合不過!

富有設計味道，利用少量既寶石托出蝴蝶既和風氣息

簡單既慶賀字句+少量懷舊風，內裹用新穎既3D圖案表達出對爸爸(或男士)既愛，實在係最適合不過!

2013年5月14日星期二

3D wedding cake & birthday cake

應友人要求做3D wedding cake & birthday cake，cut到手仔都軟曬......><...不過，見到友人既壽星朋友及新婚朋友好滿意，已經是最大的回報! 友人要求只做刀模，然後給她自己再DIY+顏色!

未加顏色，唔係咁知咩黎，其實最頂頂果支係蠟蠋黎嫁!

友人最喜歡是頂頂既王子與公主!

iMedia House 9TH ANNIVERSARY PARTY --- Hooray Bar & Restaurant

今次應邀iMedia 9 週年既生日派對，到銅鑼灣Hooray Bar & Restaurant (酒吧、意大行菜)。比起上年係Magnum既生日派對地方更大更多位子坐低傾計! 呢度實在係一個傾計一流既好地方，你坐係任何各落都可清楚望見維港景致，地方又大，又有氣氛! D野仲好好味嫁! 約返三五知己黎就最岩啦!

地址: 銅鑼灣告士打道280號世貿中心5樓P502號舖

2013年5月11日星期六

係旺角鬧市中發現左一片充滿德洲風情既營地!Bigpack Cafe 陳設著旅行背包、野餐桌、周邊有好多木製品、歐陸掛畫、隨處都見到德國啤酒及露營時的用品，令我致身於營地一樣!由於今次只得我同CHLOE仔試食，所以只能試2款菜色。當你時完菜後，服務員就會獻上暖暖既德國包，將牛油加入當中，有入口即溶既感覺，接著是豬手出場 :

(1) 德國最出名既烤豬手(配酸菜及薯蓉)($198)
- 製作雖時20-30分鐘，豬手上桌時已分成一塊塊，看似分量不是太多，豬手的外層不是太脆，服務員表示應豬手經(yip)製過，所以難切係正常，但有點兒難以咀嚼!不過味道是OK的!不過留意德國野不嬲都係比較鹹!反而覺得伴邊既薯蓉好好食!

(2)腸拼盤(紐倫腸、蛇餅芝士豬肉腸、黑森林臘腸、仲有一款以忘了名字)(配酸菜)TOTAL四款($168)<---沒有牛肉的
- 蛇餅芝士豬肉腸係我最喜歡的，芝士味十分濃厚，但不是有噴出來的效果。每款腸都是超脆卜卜的! 食下食下，味覺愈黎愈鹹，一定要食返酸菜中和一下。
(3)德國啤

總括是好吃的，而且佈置搭救，實在好適合同成班好友黎傾計作樂!不過下次應該唔試豬手lu，下次試下pizza先!

Bigpack Cafe
地址: 旺角花園街76A號3樓
電話: 23885408

同King Ludwig比較的話，我真心覺得King Ludwig既豬手是第1位的!環境都好好，暗暗既燈光配以德州佈置，仲有Live Band奏樂!氣氛真係好好!不過King Ludwig既價錢會比Bigpack Cafe價D!不過真係好好味!記得多D人去，試齊農夫包、烤豬手、腸拼盤、薯餅同德國啤!

2間餐廳既食品雖相若，但店舖既氣氛完全不同!Bigpack Cafe環境比較寧靜，係一個傾計好地方!而King Ludwig適合比較愛熱鬧的朋友，暗暗既燈光會令你不知不覺大飲大食!食物方面，真心覺得King Ludwig比較出色!

King Ludwig共4間分店:
地址: 尖沙咀港鐵尖東站32號舖 (呢間最大最舒服)
電話: 23698328/ 23113016

地址: 赤柱美行樓2樓202號舖
電話: 28990122

地址: 元朗青山公路洪水橋段
電話: 24775000

地址: 灣仔皇后大道東183號合和中心地下1-2號舖
電話: 28610737

敏感皮膚救星---The Gamila Secret Collection

終於我都搵到一隻我覺得好好用既洗面產品啦~~~來自匈牙利既GAMILA SECRET既洗面皂!我一向都未試過用洗面皂，因為肥皂俾我感覺洗得雖然乾淨，但洗完會令皮膚好乾! 皮膚好敏感、又乾、又多暗粒既我，真係要好試左好多牌子都未真正解決到我既皮膚問題! 以往我用得最耐既係FANCL，佢既護膚品都好岩我，其實佢隻洗面粉都好用，但係有時都未能令我痕養既皮膚得以舒緩! 起初買GAMILA SECRET都係覺得佢包裝精美而且非常抵用，所以先試下咋......開水放係手中搓20次到就有好多凝脂泡泡! 我用左3日，已經感到皮膚好舒服，冇痕養感!而家已經連續用左1個月，我既皮膚真係有明顯改善! 唔會無拉拉痕同埋紅! 最重要唔會乾添嫁!!! 真係要大讚! 呢舊皂仲可以全身一齊用嫁! 如果全身用就大概用到個半月啦，只用上面就3-4個月!只係HKD$299咋!抵用過用AD+& FANCL! 仲有好多味道嫁! 適合唔同膚質! 洗面皂係植物凝脂80%以上為初榨橄欖油，無防腐劑、人工香料、界面活性劑、色素等添加! 已經係好多國家有得買嫁啦! 仲上埋日本節目添! 超讚!!!

官方網站: http://www.gamila.com/

訂閱：文章 (Atom)

【 Crafting2gether 】