VICTORIA'S SECRET HONG KONG

香港終於都有VICTORIA'S SECRET啦，係26/4/2013及27/4/2013分別係中環IFC&沙田新城市開幕啦~~27/4當日身在沙田店的我，完全感受得到VICTORIA'S SECRET的吸引力是多麼強大的!店舖還未開門，就經已有大量FANS排隊等待啦!繼上次係「銅鑼灣蔡太」到等左6個鐘既經歷，我當然唔會再等啦!我係去左睇IRON MAN3，睇早場最大好處就係平!平!平!只需$65就可以睇到3D既IRON MAN3~~~Unbelievable^0^!!!!!大概12點3左右我先去VICTORIA'S SECRET血拼一番，行黎行去，係約400呎既小空間行左成個鐘，D味隻隻都差唔多，試左好耐香水&body lotion先選到我鍾意既味道。佢地做緊promotion，$298 for 3 ( <---只係for 某些系列既body lotion, body wash & body mist，可以mix埋買不同系列的)。我比較鍾情於body mist，因為夏天經常去游水同曬太陽，噴body mist對我黎講就最適合不過啦!唔會太香，又有小小味咁，不過味道keep得唔耐，想keep得耐D就買埋同味道既body lotion，就可以last到3個鐘到啦~~不過香港既VICTORIA'S SECRET 係冇BAR買嫁.....明明最出名係BAR，但係香港就冇得買，我仲見到D袋係Made In CHINA!!!之後就冇咩興趣買LU....haha.......雖然好多野都係Made In CHINA，但係買外國牌子，緊係想成件貨連設計都係係當地製造!!!我都睇過佢地D底底，D質地一般，款式比較花巧，應該有好多人鍾情ge.....不過，有少少覺得同花園街及旺中ge鋪頭仔差唔多....haha......返到屋企試過佢地既body lotion,我未開口，已經俾我家的陳先生說...香過頭，甜過頭........我諗我下次都係買返其他淡淡香味ge牌子好D........總括，並不是想像中那麼好........