DR BAR --- 奇華特「銅鑼灣蔡太」

早已聽聞過「銅鑼灣蔡太」係出名「胸部教主」，早有準備既我，今日一大清早10:50已到達【奇華特】拎籌，已經預左禮拜六多人，所以提早1個鐘去拎籌，但係我拎既係NO.45籌。唉.......之後就去左食早餐，食左1個鐘到，就去forever21行街街，約14:30到上返【奇華特】到，重叫緊NO.20.......><我就落返行街街，到16:00我再上返去，都未到我......真係好灰，之後就買左本雜誌一看再看，終於17:00到我睇証啦!!!!!我咁大個女等得最耐都算係今次啦!!!
店鋪既同事語氣極差，看到有位客人與員工吵了2句，那位客人感到好無耐，只係想問問而家派到咩籌，點知俾員工用極差既態度+西西面咁對待.......係現場有10多位女士亦只好低頭，為那女士感到可憐......鬼叫網上咁多人叫好咩，所以服務差d都照去，明知等好耐都照等.....女士為了變得更靓靓，真的不顧一切!
輪到我既時候，員工就叫我入去除3，係更衣室(其實只係有塊布俾風吹下吹下咁遮住，我望住自己雙乳約10多分鐘，終於等到蔡太入黎睇証啦，佢感覺上真係好似幾有道理，又會用把尺度周圍幫你度，她會不保留咁講出你胸部既問題，亦講得幾大聲，在場人仕應該全部都聽得好清楚，亦看你個胸睇得好清楚，因為d布遮得唔好.......最終，我買了3個胸部，2條「橋」<---這是她們的說法，意思是矯型背心，3條底底。要日日穿，穿6個月，3個月後再返黎睇証!價錢合理，不過實在太多人啦，下次我都唔知會唔會再去覆(陳)，用左6個鐘頭先至買到個bar，真係怕怕呀.........



提pat pat under

收副乳+收水筒腰

 地址:銅鑼灣謝斐道518號，渣斐大廈3F(MTR D1出口)(近Manning)